A dramaturga Vanesa Sotelo, recentemente premiada con el XIII Premio Josep Robrenyo en Cataluña e o IV premio de Teatro Radiofónico Diario Cultural acaba de recibir o 6º premio Abrente de Textos Teatrais coa peza “Campo de Covardes”.
O xurado composto pola profesora Dolores Vilavedra, o actor Jouse García, o crítico teatral Manuel Xestoso e o director da Mostra Internacional de Teatro de Ribadavia (MIT), Roberto Pascual, concedeu por unanimidade o 6º Premio Abrente de Textos Teatrais a Campo de Covardes, de Vanesa Sotelo. O xurado destacou "a eficacia dramática, a calidade do texto e a capacidade tan grande e xenerosa que a peza lle concede ao posterior traballo actoral". A peza será editada na colección Abrente de textos teatrais da editorial Difusora de Letras, Artes e Ideas. A autora recibirá unha estatuíña do artista Manuel Rodríguez Alonso (Sampedro) xunto a unha dotación económica de 3.000 euros que será entregada nun acto oficial o próximo mércores en Ribadavia.
Vanesa Sotelo é directora, actriz e autora teatral e aparece ligada á Compañía Inversa Teatro, para quen volve traballar como actriz na montaxe Paper Dolls, escrita e dirixida por Lola Correa e que será estreada o próximo setembro.
http://www.elpais.com/articulo/Galicia/Vanesa/Sotelo/gana/Abrente/Campo/covardes/elpepiautgal/20110723elpgal_12/Tes
